sábado, 2 de novembro de 2019

Agua osixenada e patata

Para facer o experimento necesitamos auga osixenada, un anaco de pataca crúa, unha botella pequena e unha caixa de mistos.
Vertemos auga osixenada na botella de cristal e logo botamos uns anacos de pataca crúa. Inmediatamente  se forman  unhas burbullas na superficie da pataca.
Despois de botar os anacos de pataca poñemos o tapón na botella e esperamos un intre para que se acumule o gas. Se pasados uns minutos metemos un misto aceso na botella vemos que se aviva a chama.
Explicación
Un catalizador é unha substancia que, mesmo en cantidades moi pequenas, modifica enormemente a velocidade dunha reacción química, sen que ela mesma sufra un cambio químico permanente no proceso. Como un exemplo consideremos a descomposición do  peróxido de hidróxeno (auga osixenada) en auga e osíxeno. En ausencia de catalizador esta reacción realízase moi lentamente. Moitas diferentes substancias son capaces de  catalizar a reacción, entre elas a pataca. A auga osixenada descomponse grazas á  catalasa, unha encima presente na pataca. 
Podemos recoñecer a presenza do osíxeno se metemos na botella un misto e vemos que se aviva a chama (unha atmosfera rica en osíxeno favorece a reacción de combustión).

Ningún comentario:

Publicar un comentario