Día Mundial dos Humidais

Hoxe, día 2 de febreiro, Día da Candelaria, e tamén Día Mundial dos Humidais, a Asociación Vaipolorío organizou unha  saída  informativa e reivindicativa de protección dos humidais, neste caso das brañas (terreo húmido que pode ser prado ou monte baixo)  que temos polo río "Ghafos".

Falouse do Convenio de Ramsar, das distintas zonas do río que son brañas todo ano, das que son esporádicas dependendo do tempo. Do perigo que corren  estos espazos pola falta de concienciación dos especuladores. Da importancia das pozas ou "charcas" pola moita vida  que nela teñen.

En resumo unha xornada  bastante didáctica e moi húmida polo tempo que tivemos, pero aínda así puidemos gozar do río por velo con outra perpectiva,  facéndose todo o paseo unha braña polo seu desbordamento continuo da tanta auga que estamos a ter neste  inverno.

PD. A foto dos paraugas foi cedida por C@rlos.R

Ver recorte de prensa

Ver todas as fotos do paseo.