domingo, 28 de febreiro de 2016

Conclusións do Obradoiro "Presentacións"

O  IES Pazo da Mercé ,  coa temática de Sostenibilidade ,  falou do  proxecto sobre o "Os incendios e as súas consecuencias". Puxeron como obxectivo mellorar a concienza  da  conservación da natureza.

O IES Luís Seoane presentaron dous  traballos , un  sobre a "Igualdade de xénero" e outro sobre o "Patrimonio Mundial".  No primeiro, nas investigacións que fixeron atoparon aínda no século XXI, bastantes descompensacións en diferentes ámbitos do traballo.  No segundo insistiron na necesidade de conservar o patrimonio para que as seguintes xeracións poideran desfrutar del.

O Colexio  Eduardo Pondal trouxo cinco obras representadas con títeres con diferentes temáticas e cos guións elaborados polo propio alumnado. Valorouse en especial o diálogo e a representación dos rapaces participando en todo o proceso das obras.

O CEIP Isidora Riestra apostou pola Solidaridade, homenaxeando ás Patroas Mexicanas, mulleres estas que levan máis de 20 anos axudando ós emigrantes que intentan buscar unha nova vida en Norte América.

O CEP Campolongo presentou tres traballos do ámbito da Sostenibilidade, da conservación do medio, dos  animais, uns xa extintos e outros moitos que  hai en perigo de extinción, e por último das consecuencias do  desxeo do Ártico.

O CEIP San Bieito de Lérez, deleitounos cun fermoso proxecto da "Discrimación contra a raza xitana", pois o dicionario da RAE fala desta en tono ofensivo nunha das súas acepcións, aspecto este que non se pode consentir por ser totalmente inxusto, pois trapaceros  " Que con astucias, falsedades y mentiras procura engañar a alguien en un asunto" hainos en todas as razas.

Ningún comentario:

Publicar un comentario