REGAU

Hoxe comezamos coa "Xincana do Patrimonio do Centro Histórico de Pontevedra". Que frío facía!!! Fomos capeando o temporal, foi unha pena, de todos xeitos traballamos un montón para cubrir moitas das actividades que nos pediron. Colaboraron un montón os maiores doutros centros. Unha experiencia moi bonita a pesar do frío das primeiras horas, onde o vento ás veces quería recordarnos que xa temos o inverno enriba. Pola tarde xa foi máis doada que a de onde, os rapaces xa se movían con máis soltura polo Pazo de Cultura. Os experimentos "xa botaban fume" e os xogos non paraban. Mañá xa temos a clausura, xa remataou o traballo, leremos as conclusións e despedirémonos dos nosos compañeiros de traballo destas xornadas.

As fotos de hoxe están metidas coas de onte, pois hoxe foron bastantes menos as que se fixeron, para non repetir moito.

Ver o grupo de Campolongo

Clica na imaxe para ver as fotos do 1º día (25 de novembro de 2013)

A primeira xornada foi moi intensa. Tivemos que montar todo a contrarreloxo pois os taboleiros dos os experimentos chegaron ás 09:00 h.

Despois do acto inagural, onde un grupo do IES Seoane nos deleitou cun par de cancións, presentaron o acto diferentes personalidades.

Rematamos a xornada matutina cun paseo pola Illa das Esculturas e xogando no parque que alí preto se encontra para ir xantar logo ó comedor do CEIP Manuel Vidal Portela.

Pola tarde xa comezaron os experimentos e os obradoiros, palilleiras, yogote, pandereteiras, e xogos de mesa (xadrez e muíño). Este último sustituiu ó de vídeo-matón que estaba previsto pero que houbo problemas para poñelo a andar.
Ás 19:00 h tivemos un apagón repentino de electricidade que fixo que adiantáramos o final da xornada.
Mañá comezaremos cun paseo polo Centro Histórico da nosa cidade facendo a Xincana do Patrimonio que temos preparada.